Kuvendi sfidoi paralajmërimet e Metës dhe votoi me 96 vota pro ndryshimet në Kodin Zgjedhor, që sipas kreut të shtetit, në rolin dhe të një lideri të kamufluar të opozitës, është shkelje e marrëveshjes së 5 qershorit.
Kryeministri Rama mbrojti ndryshimet, duke thënë se në lidhje me koalicionet, aty ku palët ndahen, janë marrë modele nga vende të tjera.
“Një njeri që nuk ngopet dhe nuk ndalon së ngatërruari dynjanë. Çfarë do Ilir Meta akoma nga Shqipëria?”, tha Rama.
“Kur flasim për formula, flasim për preferenca. Ne nuk shpikim, janë shpikur nga bota. Ne i kemi studiuar se si funksionojnë në Europë listat e hapura. Kemi parë disa mekanizma dhe kemi zgjedhur këtë. I jepet mundësia të konkurrojë.
Por edhe PD-së ka përgjegjësin ëtë paraqes një skuadër të ndërrojë formacionin e vet. Dhe votuesi të përcaktojë kush hynë dhe nuk hyn në fushë. Në fund fare standardet janë të garantuara.
Askush sot në këtë ligj nuk hyn deputet pa marrë pëlqimin e popullit. Askush nuk është i përjashtuar dhe nëse merr % e popullit mund të hyjë”, theksoi shefi i qeverisë.
Ndërsa Meta iu përbetuar se do e ketë në çdo shesh.
“Po e preke 5 qershorin, Ilir Metën do e kesh në çdo shesh të Shqipërisë dhe ti do ëndërrosh fatin e shokut tënd që ngeli dhe pa parti”, ishte reagimi i presidentit. /tesheshi.com/
