Deputetët e Kuvendit të Shqipërisë, pjesë e legjislaturës së re, kanë kaluar testin e parë, atë të verifikimit të mandateve.
Tashmë pritet që në seancën e pasdites ata të betohen dhe Kuvendi të vijojë proçedurën për zgjedhjen e kryetarit të Parlamentit. Për këtë pozicion, PS ka propozuar GGramoz Ruçin, ish-kryetar i grupit parlamentar socialist, dhe një ndër politikanët më të vjetër në vend.
Rregullorja e Kuvendit parashikon që zgjedhja e kryetarit bëhet pa debat dhe i mjaftojnë 50+1 % të votave të deputetëve pjesëmarrës.
Që seanca të quhet legjitime duhet që të jenë të pranishëm në sallë 71 deputetë, çka shanset që ajo të dështojë ose Ruçi të mos zgjidhet janë zero, për faktin se PS zotëron 74 mandate.
Tashmë pritet për tu parë sesa vota do të marrë Gramoz Ruçi, kur publikisht PD dhe LSI, dy parti në opozitë, kanë deklaruar se do të votojnë kundër. Në lojë, veç mandateve të socialistëve, janë edhe 4 deputetë, 3 të PDIU dhe Tom Doshi i PSD-së. /tesheshi.com/
