Presidenti Ilir Meta dekretoi datën 9 shtator për nisjen e punimeve të Kuvendit të ri të Shqipërisë.
Në bazë të rregullores parlamentare, seanca e parë, pra ajo konstituive drejtohet nga deputeti me moshë më të madhe.
Referuar kësaj, seanca duhet të drejtohet nga ish-kryeministri Sali Berisha, i cili edhe 4 vjet më parë kishte këtë privilegj, por nuk pranoi.
Ndoshta këtë rradhë Berisha mund të ketë ndryshuar mendim, megjithëse shanset janë të pakta që ish-kryeministri të marrë rolin e drejtuesit në një seancë.
Dhe nëse ai refuzon atëherë, drejtimi i seancës mund t´i mbetet Gramoz Ruçit, i cili është edhe kandidati i propozuar nga PS për të qenë kryeparlamentar. /tesheshi.com/
