Kryesia e Kuvendit as sot nuk e ka mbajtur mbledhjen e saj, ku, përveç disa pikave tjera të rendit të ditës, ishte edhe kërkesa e propozime e që sipas të gjitha gjasave ishte edhe kërkesa e deputetëve për shfuqizimin e Gjykatës Speciale.
Megjithëse u bë një orë, në kryesi nuk erdhën përfaqësuesit e minoritetit serb dhe të Vetëvendosjes.
Avullah Hoti, Shef i GP të LDK-së, ka thënë se pas një orë pritjeje, mbledhja nuk u mbajt.
“Ne u paraqitëm në bazë të ftesës. Është më se e qartë se ky koalicion nuk ka funksionim normal. Vetë e thirrën mbledhjen e Kryesisë e vetë e shtynë. Kjo është fatkeqësi për vendin sepse po presin shumë çështje të rëndësishme. Ne do t’i ndërmarrim të gjitha veprimet ligjore e kushtetuese që të ketë funksionim normal”, tha Hoti.
Kurse Ahmet Isufi, shefi i grupit parlamentar të AAK-së një pjesë të anëtarëve të Kryesisë që munguan i ka quajtur të papërgjegjshëm.
“Është përgjegjësi dhe obligim i të gjithëve që të angazhohen në mënyrë që Kuvendi të funksionojë si duhet. Në rend dite ishte edhe pika për shfuqizimin e Gjykatës Speciale. Kjo gjykatë dëmton Kosovën dhe luftën e UÇK-së”, tha ai.
Në mbledhje nuk ishin Aida Dërguti nga VV, Mybera Shinik nga 6 plus dhe Slavko Simiq nga Lista Serbe. /tesheshi.com/
