Deputetët kosovarë, pas një pauze të gjatë, do të rikthehen në punë, pasi javën e ardhshme do të mbahen dy seanca.
Më 2 tetor do të vazhdohet seanca e jashtëzakonshme, ku do të debatohet për programin e qeverisë “Haradinaj”, 2017-2021, kërkesë kjo e opozitës.
Pas përfundimit të kësaj seance, në po të njëjtën ditë, pritet të mbahet një seancë e re, për shqyrtimin e Projektligjit për ratifikimin e Marrëveshjes financiare për IPA 2016 midis Kosovës dhe Bashkimit Evropian, në vlerë prej 70.5 milionë euro.
Kurse, në seancën e 3 tetorit do të mbahet interpelanca e kryeministrit Haradinaj, me kërkesë të grupitparlamentar të LDK-së rreth akuzave publike për ministrin e Bujqësisë, Nenad Rikalo, se gjatë luftës ka keqtrajtuar shqiptarë.
Kryeparlamentari Veseli tha se vonesat për seanca i ka shkaktuar mossjellja në Kryesi të Kuvendit e emrave nga grupet parlamentare për komisionet parlamentare. /tesheshi.com/
