Propozimet e Qeverisë së Kosovës për procedimin e amendamenteve kushtetuese që i hapin rrugën themelimit të Gjykatës Speciale për krime lufte do të votohen në Kuvend, të hënën paradite.
Qeveria i përpunoi për herë të dytë propozimet dhe ia dërgoi Kuvendit, pasi ky i fundit nuk mund të merrte në shqyrtim propozimet që i kishte rrëzuar në një seancë të mëparshme. Për mungesë të 80 votave të nevojshme, amendamentet nuk u miratuan në seancën, që bllokoi edhe themelimin e Gjykatës Speciale.
Kryetari i Kuvendit sqaroi se kushtetuta dhe rregullorja e Kuvendit nuk e ndalojnë riprocedimin e një dokumenti të dhënë.
Presioni i fortë ndërkombëtar ka detyruar kreun e PDK-së, Hashim Thaci të kërkojë nga deputetët e partisë së tij të votojnë amendamentet, pasi mungesa e votave të tyre solli rrëzimin e parë në Kuvend. Opozita është tërësisht kundër themelimit të Gjykatës Speciale. /tesheshi.com/
