Kryetari i Kuvendit të Kosovës, Kadri Veseli, pas mbledhjes së Kryesisë, ka konfirmuar se seanca e rregullt e plenare do të mbahet të premten në ora 10 në të cilën do të shqyrtohen 22 pika të rendit të ditës.
“Po vazhdojmë me një atmosferë pozitive. Meqë nesër është ditë e veçantë, i urojmë qytetarët në 8 vjetorin e pavarësisë. Në seancën e së premtes do të ketë vendimmarrje që e presin qytetarët. Ka të bëjë me liberalizimin e vizave”, deklaroi Veseli.
Aida Derguti nga ‘Vetëvendosje’, e quajti provokim për opozitën thirrjen e seancës.
Në mesin e 21 pikave të rendit të ditës, nuk është paraparë zgjedhja e presidentit.
Opozita e bashkuar kosovare ka paralajmëruar se do të vazhdoj pengimin e seancave me hedhje të gazit lotsjellës. /tesheshi.com/
