Kuvendi i Kosovës pasi mbrëmë përfundoi seancën katërditëshe me pikën e 32-të, formimin e Komisionit ad-hoc për përzgjedhjen e kandidatëve për anëtarë të Këshllit të Pavarur Mbikëqyrës të Shërbimit Civil të Kosovës nga radha e komunitetit serb pritet ta ratifikojë sot në seancën plenare.
Një nga 12 pikat e axhendës sot është propozimi i Grupit Parlamentar të Listës Serbe për emërimin e nënkryetarit të Kuvendit të Republikës së Kosovës, si dhe propozimi i po këtij grupi për zëvendësimin e anëtarëve në komisionet parlamentare.
Kryesia e Kuvendit të Kosovës në mbledhjen e të martës me shefat e grupeve parlamentare u njoftua me dorëheqjen e nënkryetares së Kuvendit të Republikës së Kosovës, Jasmina Zhivkoviç, pëfaqësuese e Listës Serbe, e cila në zgjedhjet 2014 mori 9 mandate deputetësh.
Në seancën e sotme të Kuvendit të Kosovës do bëhet edhe shqyrtimi i tre projektligjeve – për mbrojtjen e të ushqyerit me qumësht gjiri, për shërbimin mjekësor emergjent dhe për shëndetin mendor, si dhe i disa raporteve.
Seanca nis me koha për deklarime jashtë rendit të ditës dhe koha për pyetje parlamentare, e në vijim bëhet zgjedhja e dy anëtarëve joekzekutivë në Bordin e Bankës Qendrore të Republikës së Kosovës. Kuvendi i Kosovës do të mblidhet në një seancë tjetër të hënën me axhendë shqyrtimin në parim të gjashtë projektligjeve pjesë e paketës së ligjeve në kuadër të procesit të liberalizimit të vizave.
/tesheshi.com/
