Kryesia e Kuvendit të Kosovës në mbledhjen e sw enjtes ka caktuar që seanca e radhës të mbahet më 10 mars.
Kryeparlamentari Kadri Veseli ka bërë të ditur se në këtë seancë do të jenë 18 pika në rend të ditës.
“Më 10 mars në ora dhjetë do të kemi seancë parlamentare në të cilën do të jenë 18 pika të rendit të ditës. Në të njëjtën kohë ju paralajmëroj që do të kemi edhe një tjetër seancë, tri ose katër ditë pas seancës së 10 marsit”, ka thënë Veseli.
Ai ka thënë se prioritet i Kosovës është integrimi në Bashkimin Evropian.
Nënkryetarja e Kuvendit nga radhët e Vetëvendosje-s, Aida Dërguti tha se ajo nuk është pajtuar me thirrjen e seancës për javën e ardhshme.
E pyetur nëse pozita ka hequr dorë nga gazi lotsjellës, pasi sot nuk ka hedhur, Dërguti ka deklaruar se sot nuk u zgjodh presidenti dhe se opozita do të marrë pjesë të enjten në seancë, sepse janë pjesë e Parlamentit. /tesheshi.com/
