Kuvendi i Kosovës, nga ora 14:30 ka nisur vazhdimin e seancës që ishte ndërprerë të premten, por këtë herë pa deputetët e opozitës të cilët kanë bojkotuar këtë seancë.
Lideri i Vetëvendosje-s Visar Ymeri, ka thënë se kanë vendosur të mos marrin pjesë në seancën e sotme për arsye se do të përgaditen për seancën e radhës, atë të zgjedhjes së presidentit.
Po ashtu, Ymeri ka thënë se protesta e organizuar po vazhdon të mbahet dhe se numri i njerëzve në protestë po rritet dhe është efikase kjo rritje.
Kuvendi i Kosovës në seancën e së premtes kishte marrë vendim që të suspendojë më shumë se gjysmën e deputetëve të opozitës, të cilët penguan mbajtjen e seancës.
Kështu në seancën e sotme kanë të drejtë të marrin pjesë vetëm 7 deputetë të Kuvendit të Kosovës, nga radhët e opozitës, derisa 23 janë të suspenduar.
Deputetët që nuk janë suspenduar janë Glauk Konjufca, Ilir Deda e Puhie Demaku të Vetëvendosjes, Time Kadrijaja, Rrustem Berisha e Lahi Ibrahimaj i AAK-së dhe lideri i Nismës për Kosovën, Fatmir Limaj.
Por, asnjë nga deputetët opozitar nuk po merr pjesë në seancë.
/tesheshi.com/
