Kuvendi i Kosovës, me 59 vota për dhe dy abstenime, miratoi një rezolutë mbi normalizimin e marrëdhënieve ndërmjet Kosovës dhe Serbisë.
Seanca filloi me një vonesë prej më shumë se katër orë, sepse nuk ishte e mundur të sigurohej një shumicë minimale prej 61 deputetësh.
Kreu i Partisë Social Demokrate, Visar Imeri, në emër të propozuesit tha se dialogu është i pranueshme vetëm nëse siguron njohjen reciproke mes Kosovës dhe Serbisë dhe anëtarësimin e Kosovës në Kombet e Bashkuara, si garantimin e anëtarësimit të shpejtë të Kosovës në BE dhe NATO.
“Dokumenti siguron që Kushtetuta, sovraniteti shtetëror, integriteti territorial dhe karakteri unitar i Kosovës nuk mund të vihen në disktutim dhe janë të pandryshueshme”, tha Imeri.
Ai sugjeroi përbërjen e ekipit negociator të kryesuar nga Shpend Ahmeti dhe kreu i NISMA-s Fatmir Limaj.
Pas miratimit të rezolutës, Kuvendi është i detyruar të miratojë brenda një muaji një ligj mbi përgjegjësitë dhe kompetencat e delegacionit shtetëror në procesin e dialogut.
Delegacioni i zgjedhur do të veprojë në bazë të dy dokumenteve bazë – platformave shtetërore dhe strategjive negociuese të delegacionit shtetëror, të cilat do të miratohen më pas. /tesheshi.com/
