Kryesia e Kuvendit të Kosovës, me vendim unanim ka proceduar projektligjin për FSK në qeveri.
Kryekuvendari, Kadri Veseli pas mbledhjes ka deklaruar se presin që sa më shpejtë të kthehet në Kuvend dhe të futet në rend dite.
“Nesër do të kemi vazhdimin e seancës me pikat e mbetura të rendit të ditës, ndërsa sot me vendim unanim të Kryesisë kemi proceduar projektligjin që FSK të bëhet ushtri në qeveri dhe në momentin kur ta na kthehet Ligji, do ta fusim në rend ditës”, ka thënë Veseli.
Ai u ka bërë thirrje serbëve që të kthehen “aty ku e kanë vendin”.
“Sidoqoftë, vendimmarrjen e institucioneve të Kosovës e vendosin qytetarët e saj. Për 3 vite jemi munduar të kemi koncesion politik. E mira do të ishte ta kemi përmes Kushtetues, por nuk kemi hasur në mirëkuptim dhe tani është momenti që të bëjmë veprime konkrete”, tha Veseli.
LDK-ja, AAK-ja dhe NISMA i kanë dhënë përkrahje projektligjit, por Vetëvendosje edhe pse ishte në mbledhje, nuk u deklarua nëse pajtohet ose jo. /tesheshi.com/
