Seanca plenare ku do të paraqitet programi i qeverisë “Rama2” dhe më pas do të kryhet votimi i saj, ka nisur me debate mes kreut të grupit parlamentar demokrat, Edmond Spaho dhe kryetarit të Kuvendit, Gramoz Ruçi.
Deputeti i PD-së, Spaho, ka kërkuar fjalën me pretendimin se është thyer rregullorja e Kuvendit.
“Duhet të përcaktoni modalitetet e debatit”, i është drejtuar Spaho, Rucit, i cili i ka sqaruar se debati do të zhvillohen në fund të seancës.
“Po dëmtoni ecurinë e seancës. Uluni dhe kur të vijë seanca e pasdites shprehuni. Mos bëni zhurmë, ju lutem ruani qetësinë. Edhe sikur ta kishe marrë fjalën do kishe mbaruar tani. ”, tha Ruci duke i dhënë fjalën kryeministrit Rama.
Por Spaho, ka kërkuar mbledhjen e Konferencës së Kryetarëve për përcaktimin e modaliteteve të debatit.
“Ju nuk e keni mbledhur. Nuk kemi qëllim që të vonojmë debatin, pasi qeverisë Rama nuk ka program. Ju keni shpërndarë një broshurë, fletë palosje ditën e shtunë në darkë dhe sot vazhdoni me debatin. Nuk është në kompetencën tuaj për të përcaktuar për debatin. Ju përcaktoni kohën”, tha Spaho. /tesheshi.com/
