Kryeministri Edi Rama është përfshirë në debatin që po zhvillohet në Kuvend mbi pr/ligjit përpakicat kombëtare. Pas replikave mes ministrit të Jashtëm, Ditmir Bushati, dhe kreut të PBDNJ-së, Vangjel Dule, ka reaguar kryeministri Edi Rama, i cili ka akuzuar ish-aleatin e tij se po i vendos në gojë fjalë që nuk i ka thënë. Madje Rama tha se një gjë të tillë Dule nuk e bën nga mendjelehtësia, por në mënyrë të qëllimshme.
“Nëse nuk do të njihja do mendoja që e ke nga mendjeleshtësia, por duke të njohur si burrë të mençur ti je i qëllimshëm sa herë që më vë mua në gojë gjëra që si kam thënë kurrë ose sa herë interpreton për llogarinë tënde ato që unë them.
Së pari ti je një minoritar, jo minoriteti dhe je gjithnjë e më pak përfaqësues i atij minoriteti të denjë për gjithë respektin që i kemi dhënë dhe japim edhe me ligjin që kalojmë sot.
Së dyti, Evropa Vangjel nuk është as kishë ku nuk vihet në diskutim zoti, e as xhami ku nuk vihet në diskutim Allahu. Është kontinent ku ne jemi pjesë, fakti që nuk jemi në BE nuk na bën më pak evropianë. Vangjel kjo nuk përbën mëkat e arsye që zotrore të vish këtu e të më vësh mua në gojë gjëra që si kam thënë kurrë. Mësoji këto gjëra. Së fundi ligji është krenari për këtë Kuvend”, tha Rama. /tesheshi.com/
