Kryesia e grupit parlamentar të PD vendos të depozitojë të hënën në Kuvend, kërkesën për ngritjen e komisionit ad hoc parlamentar për reformën zgjedhore.
PD njofton se në fokus të këtij komisioni do të jenë dy pika kryesore: problematikat e zgjedhjeve që kanë të bëjnë me shitblerjen dhe manipulimin e votës, dhe e dyta, votimi elektronik.
Burime nga PD shprehen se do të kërkohet që komisioni të drejtohet nga PD, ku pritet të propoyohet Oerd Bylykbashi, që njeherayi mban funksionin e nënkryetarit të grupit për reformat, përfshi këtu edhe atë zgjedhore.
Tesheshi.com paralajmëroi ditë më parë se reforma zgjedhore është prioriteti i parë i PD, madje kjo parti do të kushtëzojë çdo raport me mazhorancën, nëse nga kjo e fundit nuk do të ketë vullnet. /tesheshi.com/
