Kuvendi miratoi sot në orën 07:00, pas më shumë se 20 orësh debatesh, programin e qeverisë “Rama2”.
Pro qeverisë votuan 78 deputetë, ndërsa kundër 51. Kështu veç votave të deputetëve socialistë, pro votuan edhe ligjvënësit e PDIU dhe PSD.
Debati për programin e qeverisë nisi mëngjesin e së martës në orën 09:00 dhe seanca pati vetëm një pushim 90 minutësh.
I pari që morri fjalën në këtë seancë maratonë, ishte kreu i PD-së Lulzim Basha, që veç akuzave kundrejt qeverisë “Rama1”, deklaroi edhe fundin e marrëveshjes së 18 majit.
Një tjetër moment, që mund të veçohet është zbatimi i rregullores me përpikmëri nga ana e Gramoz Ruçit, duke mos lejuar deputetët që të kalojnë në fjalimet e tyre përtej kohës 20 minuta që parashikohej.
Në këtë kuadër, Ruçi nuk nguroi t´i ndërpriste fjalën edhe ish-kryeministrit Sali Berisha. /tesheshi.com/
