Reagimet e ashpra ndaj Iranit dhe ndaj djegies së ambasadës saudite në kryeqytetin e tij nuk kanë të ndalur. Ka qenë sot radha e Kuvajtit ta shprehë qëndrimin e vet nëpërmjet tërheqjes së ambasadorit të vet nga Teherani.
Krahas kësaj, ambasadori iranian në Kuvajt u thirr në Ministrinë e Jashtme kuvajtiane dhe atij iu dorëzua një notë proteste në lidhje me bastisjen e ambasadës së Arabisë Saudite në Teheran.
Në notën e protestës thuhet se akte të tilla përbëjnë një shkelje të rëndë të normave dhe të konventave ndërkombëtare. Zëvendësministri i Jashtëm kuvajtian i përsëriti ambasadorit se Irani duhet të përmbushë angazhimet ndërkombëtare për misionet diplomatike dhe t’u ofrojë mbrojtje stafeve të tyre.
Megjithatë, agjencia zyrtare e lajmeve e Kuvajtit, KUNA, nuk sqaron nëse ambasadori kuvajtian është thirrur për një kohë të pacaktuar, apo thjesht për konsultime. /tesheshi.com/
