Një gur diamanti 100-karatësh është shitur për 22.1 milionë $ (14.8m £) në shtëpinë e ankandeve Sotheby në Nju Jork me 25 mars të këtij viti.
Sipas agjencisë Rojter, guri i çmuar është gjëndur në minierat e Afrikës së Jugut dhe është blerë në mënyrë të rrufeshme për 3 minuta gjatë promovimit të spikerit të ankandit, nga një blerës që dëshiron të mbetet anonim.
Diamanti i rrallë kishte rreth një vit që po punohej me kujdes nga ekspertët, për të realizuar prerjet dhe këndet e përsosura.
Sotheby ka bërë me dije se vetëm gjashtë diamante të të tilla të përsosura 100-karatëshe janë nxjerrë në ankande gjatë 25 viteve e fundit. Guri i rrallë ishte vlerësuar nga ekspertët e para shitjes në ankand në kuotën ndërmjet 19 – 25 milion $.
Gary Schuler, Shefi i Departamentit të Stolive të Argjendarisë në Sotheby të Nju Jorkut , e ka cilësuar këtë diamant si “kufirin e përsosmërisë”.
“Ngjyra e tij është e tejdukshme si uji i pastër, ai është krejtësisht pa asnjë defekt dhe tërësisht transparent, që mund të krahasohet me një copë akulli të ngrirë,” tha Schuler para shitjes.
Gurri i rrallë i cilësisë së lart ishte nxjerrë në shitje mes një sasie prej 350 bizhuterive të çmuara, të cilat pritet sipas ekspertëve të ankandit që të shiten për një vlerë totale prej më shumë se 50 milion $.
Dy vite më parë, një diamant tjetër i përsosur që njihet si Pink Star kishte vendosur një rekord botëror vlere, duke arritur që të shitej në një ankand në Gjenevë për 83 mln $.
