Gjykata Kushtetuese nuk i heq mandatin deputetit, Koço Kokëdhima, por i ka dhënë të drejtë Partisë Demokratike, e cila ka paditur Kuvendin.
Gjykata Kushtetuese ka shpallur vendimin e tij i cili është i shkurtër dhe i prerë: “Pranimin pjesërisht të kërkesës(së PD-së). Interpretimin e nenit 70/4 të Kushtetutës si vijon: Në rast se Kuvendi i Shqipërisë vihet në lëvizje me mocion të kryetarit të Kuvendit ose një të dhjetës së anëtarëve të tij, në kuptim të pikës 3 të nenit 70 të Kushtetutës, ai duhet të vendosë dërgimin e çështjes në Gjykatën Kushtetuese, e cila është organi i vetëm që ka kompetencën të shqyrtojë në themel çështjen dhe të vendosë mbi papajtueshmërinë e mandatit të deputetit”.
Me këtë vendim do të duhet që Parlamenti të mblidhet dh eta çojë çështjen në Kushtetuese ku gjithçka të nisë nga e para, por Kokëdhima vazhdon të jetë deputet.
/tesheshi.com/
