Gjykata Kushtetuese e Kosovës e konsideron jo të vlefshëm qeverinë “Hoti”, duke e rrëzuar këtë të fundit dhe hapur rrugë për zgjedhje të parakohshme brenda 40 ditëve.
Ishte Vetëvendosje ajo që çoi në Kushtetuese rastin e votes së Etem Arifit. Sipa saj, Arifi s’kishte pasur legjitimitet në momentin kur kishte votuar, meqë ishte dënuar nga gjykata me vendim të prerë.
Më 27 nëntor 2019, KQZ certifikoi rezultatin e zgjedhjeve dhe në listën e deputetëve të certifikuar ishte edhe Etem Arifi. Më 26 dhjetor 2o19, u mbajt mbledhja konstituive e Kuvendit ku u konfirmua mandati i Etem Arifit. Që nga ajo kohë, Etem Arifi vazhdoi të ushtronte funksionin e deputetit, edhe pse ndaj tij rëndonte një dënim gjyqësor i formës së prerë, për një vepër penale, me një vit e tre muaj burgim.
Dhe, në këtë përfundim ka dalë dhe gjykata.
“Gjykata e konsideron të rëndësishme të theksojë se është e vetëdijshme se Etem Arifi ka marrë pjesë edhe në procedura të tjera votuese në Kuvend, edhe pasi ai nuk kishte mandat të vlefshëm. Megjithatë, duke u mbështetur në parimin non ultra petita (“jo përtej kërkesës”), Gjykata kufizohet në vlerësimin e kushtetutshmërisë së aktit të kontestuar më kërkesën e paraqitur para saj, gjegjësisht Vendimit nr. 07/V-014, të Kuvendit të Republikës së Kosovës, përkitazi me Zgjedhjen e Qeverisë së Republikës së Republikës së Kosovës”.
Më tej, Kushtetuesja e Kosovës sugjeëroi: “Gjykata thekson se në rastin konkret vihet në lëvizje paragrafi 4 i nenit 95 të Kushtetutës, sipas të cilit Presidenti i Republikës së Kosovës shpall zgjedhjet, të cilat duhet të mbahen jo më vonë se dyzet (40) ditë nga dita e shpalljes së tyre”. /tesheshi.com/
