Gjykata Kushtetuese ka rrëzuar kërkesën e Listës Serbe të bërë javë më parë për t’u shqyrtuar kushtetutshmëria e ligjit për “Trepçën”, të aprovuar nga Kuvendi i Kosovës.
Në vendimin e Gjykatës, të publikuar pak më parë, thuhet se Ligji për “Trepçën” është kushtetues për nga përmbajtja dhe për nga procedurat e ndjekura për miratim në Kuvendin e Kosovës.
Ndryshe, deputeti Slavko Simiq, kryetar i Listës Serbe, e cila ka 10 deputetë në Kuvendin e Kosovës, ka thënë se me miratimin e këtij ligji janë shkelur mjaft dispozita të Kushtetutës, si dhe Rregullorja e Kuvendit.
Mbetet të shihet në orët në vazhdim cili do të jetë reagimi i “Srpska-s”, pas refuzimit të Kushtetueses.
Vendimin e plotë të Kushtetueses mund ta lexoni në linkun më poshtë:
