Gjykata Kushtetuese ka vendosur sot që vendimin për vetttingun do ta japë ditën e enjte. Ndërkaq, nga dita e sotme, anëtarët do të hartojnë opinionet e tyre, që më pas do t’i votojnë në një seancë të posaçme të enjten në orën 9.00.
Përgjigjja e Venecias u dërgua në rrugë elektronike menjëherë sapo kryetari i Gjykatës Kushtetuese, Bashkim Dedja pohoi se materiali ishte kërkuar zyrtarisht dhe se pas disa komunikimeve ishte marrë një përgjigje se kishte një problem teknik.
Aktualisht ligji i Vetting-ut është i pezulluar nga Kushtetuesja, pas padisë së Partisë Demokratike, që e konsideronte ligjin për kontrollin e figurës së gjyqtarëve dhe prokurorëve si anti-kushtetues.
Opinioni i Venencias, i dërguar një javë më parë, hidhte poshtë pretendimet e partisë më të madhe të opozitës sa i takonte konfliktit të interesit dhe përfshirjes në zbatimin e vetting-ut të institucioneve në vartësi të qeverisë. /tesheshi.com/
