Në numrin e saj të së dielës, e përditshmja “Ëelt am Sonntag” shkruan se liberalizimi i vizave për shtetet e treta që ofrohet nga Bashkimit Evropian do të pësojë një ndryshim nga praktika e deritashme.
Kjo sidomos për shtetet që është planifikuar dhe paralajmëruar se do të ngjajë këtë vit. Kështu, duke filluar me Turqinë por edhe për Gjeorgjinë, Kosovën dhe Ukraninën pritet të zbatohet ky ndryshim.
Një diplomat ka bërë të ditur që BE-ja do të bëjë një marrëveshje të “jashtëzakonshme” me Turqinë e më pas edhe Gjeorgjinë, Ukrainën e Kosovën e cila nuk ishte bërë deri më tani.
Sipas këtij plani, “marrëveshja në fjalë do të përmbajë një klauzolë suspendimi e cila do të aktivizohet automatikisht nëse shteti që ka arritur marrëveshjen me Brukselin nuk i përmbahet për të gjitha aspektet e veçanta të saj”.
Sipas këtij plani në fjalë, për Turqinë do të vlente kjo nëse ky vend nuk i kthen prapa refugjatët nga Greqia; kurse për Ukrainën kjo vlen në rast se ajo s’i përmbush kushtet e marrëveshjes me Moskën; e Kosova e Gjeorgjia do të pësonin në rast se nga këto vende do të ketë azilkërkues në vendet anëtare të BE-së. /tesheshi.com/
