Vetëvendosje ndihet e shqetësuar prej atyre burrave që zhdëpin në dru grate e tyre. Ndaj, 8 marsin, ditën e gruas, apo ndryshe nënës, ka vendosur t’ja kushtojë politikisht pikërisht dhunës në familje.
Grupi parlamentar i VV-së dorëzoi kërkesën për debat në Kuvend lidhur me dhunën në familje dhe përgjigjen institucionale ndaj saj.
Si rezolutë të këtij debati VV thotë se ka përfshirë kërkesa të cilat për një kohë të gjatë organizata dhe aktiviste nga shoqëria civile i kanë adresuar gjatë punës së tyre.
R E Z O L U T Ë
Rishikimi dhe plotësimi i Ligji nr. 03/l-182 për mbrojtje nga dhuna në familje i vitit 2010.
Ndryshimi në Kodin penal dhe atë të Procedurës penale për veprën penale të dhunës në familje, si dhe për zyrtarët e Policisë së Kosovës, Prokurorisë dhe Gjyqtarët të cilët vonojnë apo pengojnë mbrojtjen efektive të viktimës.
Përfshirja e Strehimoreve në rishikimin e buxhetit 2018 sipas një linjë të veçantë dhe të përhershme buxhetore.
Buxhetimi i plotë pas rishikimit të Planit dhe Strategjisë së veprimit kundër dhunës në familje. /tesheshi.com/
