Familjarët e ish-deputetit Pashko Ujka, njëherësh ish-kryekomunar i Velipojës, i cili u vra në Shkodër mbrëmjen e 29 nëntorit, ofrojnë një shpërblim në euro për atë që i ndihmon të gjejnë se kush e qëlloi duke i marrë jetën.
Ata ofrojnë 25 mijë euro shpërblim për këdo që do të ofrojë ndihmë për gjetjen e autorit.
Ka qenë Ledisia Ujka, e bija e viktimës, e cila tha se kushdo që di ndonjë informacion ose detaj për vrasjen, të kontaktojë menjëherë me familjen e saj.
Familja Ujka ka vendosur në dispozion edhe numrin +355 67 61 75 086, duke garantuar anonimatin për cilindo qytetar që jep informacione. E bija se kanë vendosur numrin e tyre personal dhe jo të policisë për arsye se nuk kanë besim.
Duke folur në një emision televiziv, ajo tregoi se dosjen e vrasjes së Pashko Ujkës do ta hapin edhe në Itali për arsye se ish-deputeti ka patur nënshtetësi italiane.
Pashko Ujka u vra mbrëmjen e 29 nëntorit. Ai u qëllua me armë zjarri në shpinë teksa ishte me bashkëshorten e tij pranë banesës dhe ndërroi jetë dy orë më pas në spital. /tesheshi.com/
