“Deri tani janë arrestuar 7 persona nga Kosova, janë konfiskuar 400 kg kokainë, 1 armë dhe lloje të ndryshme të veturave që gjendeshin në depo”, tha drejtori i Policisë së Kosovës Samedin Mehmeti, në një konferencë për media, pas kapjes në Lipjan të 400 kg kokainë të ngarkuar në një kamion me mish pulë.
Po kush janë ata? Deri tani janë bërë të njohur emrat e tre prej tyre: Izet Sheqiri, Enver Belegu dhe Bajram Maliqi. Izet Sheqiri është ortaku i shtetasit shqiptar Bledar Habili, të cilët kanë në pronësi kompaninë MC FOOD me seli në Kavajë dhe në Kosovë, kompani e krijuar 7 muaj para se të kapej droga. /tesheshi.com/
