Ministri i Brendshëm prezantoi dymbëdhjetë kryepolicët e Shqipërisë, pra Drejtorëve të rinj Vendorë të Policisë së Shtetit, ku asnhë emër prej tyre nuk të thotë diçka në fushën e rendit, sidozot ndonjë nam të mirë për aksh arritje në përballje me krimin.
Pas fazës së konkurrimit, të aplikuar për herë të parë, ministri Hoxha tha se sot i kalojmë stafetën një brez i ri oficerësh me përvojë dhe integritet.
“Kemi 12 drejtues të rinj të policisë dalë nga konkurrim ku morën pjesë 43 konkurrentë që përfaqësojnë një gjeneratë të re oficerësh që pas një eksperiencë të krijuar që nga shkalla e parë e karrierës mbajnë sot barrën e drejtimit të uniformave në 12 Drejtoritë e Policisë në qarqe”, tha ai.
Teksa bëri prezantimin, ministri nënvizoi se drejtuesit që marrin sot detyrën janë përzgjedhur për kompetencën dhe aftësinë e tyre, por edhe për integritetin e tyre për të cilët është bërë një qëmtim i veçantë, në bashkëpunim me organet përkatëse ligjzbatuese. E megjithatë, ai nuk veçoi ndonjë emër prej tyre për ta ilustruar atë që deklaroi.
Më saktë, Policia Shqiptare nuk nxjerr më emra si dikur, kryepolicësh që linin gjurmë në përballje me krimin, duke u shndërruar në të adhuruar në popull për guximin, kurajon, pra dorën e hekurt, si fjala vjen i ndjeri Gani Malushi, Mit’hat Havari apo Edmond Koseni.
Dhe ja cilët janë emrat e rinj:
Drejtuesi i policisë së Tiranës, Elton Alushi,
Drejtuesi i policisë së Durrësit, Vilson Bala,
Drejtuesi i policisë së Fierit, Skënder Hitaj,
Drejtuesi i policisë së Elbasanit, Fatmir Hoxha,
Drejtuesi i policisë së Shkodrës, Fatmir Lleshaj,
Drejtuesi i policisë së Korçës, Erion Ahmeti,
Drejtuesi i policisë së Vlorës, Elidon Çela,
Drejtuesi i policisë së Lezhës, Altin Mena,
Drejtuesi i policisë së Gjirokastrës, Altin Merizaj,
Drejtuesi i policisë së Beratit, Luigj Vathi,
Drejtuesi i policisë së Kukësit, Gentian Berberi,
Drejtuesi i policisë së Dibrës, Artion Duka. /tesheshi.com/
