Albi Bici dhe Ardian Xhaka janë rojet ushtarake të Uzinës së Gramshit, të cilët u sulmuar nga një treshe e dyshimtë, dy rusë dhe një ukrainase, teksa po tentonin të hynin brenda nëj uzinë.
Për gjendjen e tyre, Ministria e Shëndetësisë doli me një deklaratë duke thënë se është e stabilizuar, por nuk dihen ende pasojat e tyre në shikim.
“Ekipet e specializuara të Toksikologjisë, Djegie-Plastikës dhe ORL kanë kryer konsultat dhe ekzaminimet e plota për dy ushtarakët e ekspozuar ndaj gazit irritues, të cilët po marrin trajtimin e nevojshëm mjekësor dhe janë në gjendje të qëndrueshme, pa probleme akute të helmimit”, thuhet në deklaratë. /tesheshi.com/
