“Nuk mund të na akuzojnë për antiamerikanë këta që flejnë poshtë ambasadës turke”. Qe kjo fraza e ish-deputetit Klevis Balliu, i njohur më së shumti si i biri i Fahri Balliut, thënë në Opinion-in e së martës kushtuar Kuvendit të 11 dhjetorit. Siç dihet, Balliu i biri është rreshtuar si foltorist.
Ai e tha këtë të shkëputur tërësisht nga kontekti i asaj që po shpjegonte në një moment Preç Zogaj, duke mos u kuptuar qartë se për cilët e ka: ndaj ndonjë grupimi brenda PD-së apo ndaj qeverisë, kur dihet se Rama e ka Turqinë, më saktë Erdoganin, aleatin dhe mbështetësin më të fuqishëm, sidomos në raste krizash specifike kur nuk i hyn në punë burokracia e Perëndimit.
Pra, kush janë ata që “flejnë poshtë ambasadës turke”, mbetet për t’u sqaruar vetëm nga Klevis Balliu, i cili me këtë frazë faktorizoi një seli diplomatike jo dhe aq faktor në zhvillimet shqiptare, në raport me fuqinë e vendit që përfaqëson, deri dhe si faktor botëror, siç është pra Turqia. /tesheshi.com/
