Ambasadori britanik në Kosovë, Ruairi O’Conell gjatë një bashkëbisedimet me ndjekësit e tij në rrjetin social Facebook është pyetur për shumë tema aktuale në vend. Por, pyetja e një komentuesi se cili është politikani më i korruptuar në Kosovë e ka befasuar O’Conellin që ka dhënë një përgjigje diplomatike.
“Cfarë pyetje interesante. Në vende të tjera njerëzit pyesin a është ose jo i korruptuar. Në Britani për shembull një politikan i korruptuar do të ishte i përjashtuar, do të ishte diçka që do të përmbyllte karrierën e tij ose saj. E kuptoj pyetjen, nuk dua të vlerësoj politikanët, por dua të them një gjë: një shkelje e ligjit, një hap i korruptuar, një vjedhje e parasë publike, një tentim ndikimi te gjyqtarët, duhet të mjaftojë për t’i përfunduar karriera dikujt. Por kjo varet prej votuesve të Kosovës dhe jo prej meje” është përgjigjur O’Conell. /tesheshi.com/
