Ish-kryeministri japonez Shinzo Abe u qëllua në një tubim fushate në qytetin Nara, afër Osakës në Japoninë perëndimore. Sulmi ndodhi teksa Abe po mbante një fjalim.
Mediat japoneze raportojnë se autori është 41-vjeçari Tetsuya Yamagami nga Nara, qyteti ku ndodhi sulmi.
BBC raporton se sulmuesi është një ish-anëtar i Marinës Japoneze.
Ai u arrestua për tentativë vrasje dhe iu konfiskua arma.
Dy gra që ishin dëshmitare të incidentit i thanë NHK se një burrë doli pas Abe-s ndërsa ai po mbante një fjalim.
Është dëgjuar e shtëna e parë, dukej se nuk ka pasur të lënduar, thanë dëshmitarët. Kur u qëllua e dyta, Abe ra në tokë.
Kryeministri Fumio Kishida iu përgjigj pyetjeve të mediave, duke thënë se Shinzo Abe është në gjendje kritike.
“Për momentin mjekët po bëjnë gjithçka që munden. Shpresoj dhe lutem që ish-kryeministri Abe t’i mbijetojë kësaj”, thotë Kishida.
Ai i përshkroi të shtënat si një “akt të urryer”. /tesheshi.com/
