Kush është kjo që sot ka dy përvjetore?

Mbretëresha Elizabeth II feston sot 96-vjetorin e lindjes dhe 70-vjetorin e ngjitjes në fronin e Oborrit Mbretëror Britanik.

Në faqen zyrtare në Facebook të familjes mbretërore është publikuar një kartolinë me një foto kur mbretëresha ishte dy vjeçe.

Në atë kohë, Princesha Elizabeth ishte vajza e madhe e Dukës dhe Dukeshës së Jorkut dhe nuk pritej të bëhej mbretëreshë. Jeta e saj ndryshoi në vitin 1936 kur xhaxhai i saj, Mbreti Eduard VIII, abdikoi dhe babai i saj u bë Mbreti George VI. Së këndejmi, princesha e re u bë trashëgimtare e supozuar.

“Pas vdekjes së trishtuar të babait të saj në vitin 1952, Princesha Elizabeth u bë Mbretëresha Elizabeth II në vetëm 25 vjeçe, dhe këtë vit ajo po feston 70 vjet në fron – i pari në historinë britanike”, tha familja mbretërore.

Pas vdekjes së bashkëshortit të saj Princit Philip, Mbretëresha u vendos përgjithmonë në Kështjellën Windsor, ku supozohet se do të vizitohet sot nga anëtarët më të afërt të familjes me rastin e ditëlindjes së saj. /tesheshi.com/