Një sjellje tepër e pazakontë brenda Parlamentit Evropian është regjistruar nga kamerat, pikërisht në momentin kur kryetarja e Komisionit, Ursula von der Leyen po mbante një fjalim. Do të pritej që të gjithë përfaqësuesit e institucionit europian të ndiqnin me interes atë që thoshte Von der Leyen.
Mirëpo gjërat rrodhën disi ndryshe dhe diferencën e bëri komisionerja Ylva Johansson e cila brenda pak minutash arriti t’i vjedhë pamjen presidentes së Komisionit dhe të bëhet virale.
https://youtu.be/l5E3cjN8zVk
Ndërkohë që kryetarja e Komisionit dhe drejtuesja e debatit në Parlamentin Europian ishte në fjalëmbajtje, komisionerja e Punëve të Brendshme të BE-së, Ylva Johansson, është “kapur” nga kamera duke thurur një çorape rozë.
Dhe kjo nuk ishte hera e pare; në vitin 2021, fotografët e “kapën” duke thurur një çorape leshi blu, pikërisht në seancë.
Ylva Johansson është deklaruar një adhuruese e madhe e thurjes dhe ka treguar çorapet që thuron zakonisht për kolegët e saj në Parlamentin Europian. /tesheshi.com/
