Është një person ai që ka bërë që Autoriteti i Dosjeve të nis një operacion ndaj të denoncuesit me iniciale I. M.
Pra, është një person që pretendohet se është spiunuar nga Ilir Meta gjatë tentativës për arratisje në kohën e komunizmit, i cili ka kërkuar hapjen e dosjes së tij nga Autoriteti i Dosjeve të Ish-Sigurimit.
Sipas Euronews Albania, është shtetasi me iniciale F.T, emri i të cilit figuron në disa materiale, ku përmendet ish-presidenti.
Tashmë, ky person kërkon të faktojë nëse ka qenë vërtet Ilir Meta ai që e ka denoncuar tek autoritetet e kohës.
Verifikimet për figurën e Metës nisën në 25 korrik, kur në adresën personale të titullares së institucioni, Gentiana Sula erdhi një e-mail nga një person i paidentifikuar.
Personi i panjohur pretendonte se në dosjet të caktuara të sigurimit figuronte emri i kreut të Partisë së Lirisë. Duke i dhënë indicie të qarta se ku të kërkonin, personi pretendonte për zhdukje të disa materialeve.
Nga kërkimi rezultoi se Meta figuron në dosje të personave të tjerë se vullnetarisht kishte spiunuar një shok që donte të arratisej.
“Me një e-mail anonim, që kur të zbulohet do gajaseni të gjithë…”, tha Meta në reagimin e tij. /tesheshi.com/
