“Do të ndëshkohen të gjithë ata që shpërfillim axhendën europiane”. Deklarata është bërë nga kryeministri i Kosovës, Ramush Haradinaj, gjatë mbledhjes së Këshillit Ministror për Integrimin Evropian.
Në këtë mbledhje është diskutuar për zbatimin e agjendës së reformave evropiane.
“Kemi vonesa të mëdha në zbatim të MSA-së, janë kërkuar detyra konkrete për këtë vit, po afrohet fundi i vitit dhe ne duhet të dimë a jemi të zot dhe sa mund t’i zbatojmë këto”.
“Duhet të ndëshkohen ata që nuk përfillin agjendën evropiane”, konkludoi shefi qeverisë së Prishtinës.
Por ndërkohë, pjesë e axhendës europiane janë dhe Asosacioni e Demarkacioni, të kundërshtuara fort nga Haradinaj, sidomos kjo e dyta, gjatë kohës kur ishte në opozitë. Madje edhe kushti i dhënies së vizave për kosovarët, është kalimi i Demarkacionit. Kështu që në një farë mënyrë, kërcënimi politik i Haradinajt është dhe ndaj vetes. /tesheshi.com/
