Marka Apple prodhon deri në 8 nga 10 telefonat celularë më të njohur në vitin 2022, dhe vendin e parë e mban iPhone 13 i tyre me deri në 5 për qind të shitjeve totale, sipas listës së Counterpoint Research.
Apple ka dominuar absolutisht sektorin e teknologjisë për një kohë të gjatë. Qoftë nëse është Mac apo iPhone i tyre, kompania kaliforniane është bërë një simbol statusi për një brez të tërë.
Këtë e tregojnë edhe renditja e celularëve më të shitur në botë për vitin e kaluar. Nga dhjetë vendet e para, tetë i përkasin iPhone-it, me dy përjashtime të vetme modelet Galaxy A13 dhe Galaxy A03 të Samsung.
Vendin e parë e mban sovranisht iPhone 13, me rreth 5 për qind të shitjeve totale. Pasohet nga versioni Pro Max i të njëjtit telefon me 2.6 për qind dhe iPhone 14 Pro Max me 1.7 për qind.
Më pas është Galaxy A13, i cili ka 1.6 për qind. Më pas vazhdon dominimi i Apple, duke mbajtur pesë vendet e radhës. iPhone 13 Pro, iPhone 12, iPhone 14, iPhone 14 Pro dhe iPhone SE 2022 vijnë me radhë.
Vendin e fundit në këtë listë e zë Galaxy A03 i lartpërmendur.
Duhet përmendur gjithashtu se dhjetë vendet e para në këtë listë përfaqësojnë pak më pak se 20 për qind të shitjeve totale të telefonave inteligjentë në botë. /tesheshi.com/
