Klubet e Premierligës angleze do të votojnë në qershor për heqjen e mundshme të teknologjisë VAR nga sezoni i ardhshëm, pas një propozimi të bërë nga Wolverhampton.
Njëzetë klube do të votojnë për heqjen e mundshme të VAR në mbledhjen vjetore të 6 qershorit, raporton BBC.
Në kërkesën zyrtare, Wolverhampton pretendon se VAR-i është futur “në mirëbesim”, por ka sjellë “një numër të madh pasojash negative të paqëllimshme që dëmtojnë marrëdhëniet mes tifozëve dhe futbollit”.
Teknologjia VAR u prezantua në vitin 2019 për të ndihmuar gjyqtarët të marrin vendime të rëndësishme në fushë, por ka pasur një numër incidentesh të diskutueshme këtë sezon.
“Çmimi që paguajmë për një rritje të vogël të saktësisë shkon kundër frymës së lojës sonë,” tha Wolverhampton.
Menaxhmenti i Premier League i njeh shqetësimet për VAR-in, thanë ata, por mbështet plotësisht teknologjinë dhe do të vazhdojë të punojë me organizatën e arbitrave për përmirësime. /tesheshi.com/
