Kancelari austriak Sebastian Kurz, tha se çdo zgjidhje e mundshme për kontestin mes Serbisë dhe Kosovës duhet të ketë mbështetjen e fuqive të mëdha, veçanërisht të anëtarëve të përhershëm të Këshillit të Sigurimit të OKB-së, duke theksuar se qytetarët serbë duhet të jenë të vetëdijshëm se pa një progres të qartë në marrëdhëniet mes palëve, Serbia nuk do të jetë në gjendje të bashkohet me komunitetin evropian.
“Është në interesin tonë që të kemi një partneritet të ngushtë me SHBA kur bëhet fjalë për Ballkanin Perëndimor dhe se kemi mbështetjen e tyre në nxitjen e progresit në arritjen e një zgjidhje për këtë çështje të rëndësishme”, tha ai.
“Ne kemi marrëdhënie të mira me Serbinë, dhe Kosovën, dhe përpiqemi për të mbështetur procesin e dialogut sa të jetë e mundur”, shtoi Kurz.
Kancelari austriak përsëriti se ai e ka mbajtur gjithmonë qëndrimin se vendi i Serbisë është në BE. /tesheshi.com/
