Kryeministri Ramush Haradinaj hodhi poshtë qëndrimin e Austrisë se Vjena është e gatshëm të pranojë ndonjë marrëveshje midis Serbisë dhe Kosovës, duke përfshirë korrigjimin e kufijve.
Duke potencuar se “ideja e ndryshimit të kufijve ka vdekur”, Haradinaj theksoi se një skenar i tillë ka rezultuar vetëm me tragjedi në Ballkan.
Reagimi i shefit të qeverisë së Prishtinës, erdhi pasi Kancelari austriak Sebastian Kurz tha gjatë një vizite në Kosovë se vendi i tij, kryesues i presidencës së BE-së, do të pranojë çdo zgjidhje të arritur mes Serbia dhe Kosovës, duke përfshirë korrigjimin e kufijve.
Kurz vizitoi Beogradin dhe më pas Prishtinë, duke u interesuar për zhvillimet në dy dhe mes dy vendeve dhe përcjelljen e qëndrimeve të qeverisë që kryeson.
Ndër të tjera, gjatë qëndrimit në Prishtinë, kancelari Kurz tha se ai ishte i kënaqur që Austria është një nga investitorët më të mëdhenj në Kosovë dhe se për këtë arsye
“Unë jam i kënaqur që ne jemi një nga investitorët më të mëdhenj në Kosovë, kështu që pyesni popullin e Kosovës nëse e mbështet dialogun në mes të Prishtinës dhe Beogradit, sepse unë mendoj se rezultati i suksesshëm i këtij dialogu është baza e perspektivës suaj evropiane dhe, gjithashtu, një mundësi për të jetuar së bashku në paqe dhe stabilitet”, tha kancelari austriak. /tesheshi.com/
