Kryeministri Kurti tha në Klan Kosova se “një burrë si Vuçiç është i padëshiruar në Kosovë”.
Por ai shtoi se presidenti i Serbisë nuk do të marrë leje për të ardhur në Kosovë nëse e kërkon. Ai këtë e ka arsyetuar duke thënë se “një njeri si Vuçiç, i cili e vë në dyshim masakrën në Raçak dhe e konsideron të sajuar, është person i padëshirueshëm në Kosovë”.
“Nuk kam marrë asnjë kërkesë për një vizitë të tillë dhe natyrisht, duke pasur parasysh rrethanat në të cilat ndodhemi, nuk do të ishte e dëshirueshme në Kosovë. Nëse ky është një person që thotë se masakra në Reçak është trillim dhe nuk ka ndryshuar kurrë qëndrim, nuk mendoj se duhet të vijë në Kosovë. Sigurisht që nuk do të jap leje. Tani që thamë që nuk po i jap leje, as nuk duhet do ta kërkojë. Mirë do ishte të kishte bërë një kërkesë, por çfarë të bëjmë, tani thashë”, ka theksuar ai.
Kurti tha se me Serbinë është arritur një marrëveshje dhe se askush nuk mund të thotë se nuk ka marrëveshje. “Ka një marrëveshje. Marrëveshja u arrit në Bruksel dhe Ohër. Është ligjërisht e detyrueshme. Kjo marrëveshje është miratuar edhe nga BE-ja, jo vetëm nga ndërmjetësit Borrell dhe Lajçak, të cilët kanë konstatuar se është marrëveshje, por fatkeqësisht nuk ka pasur nënshkrim për shkak të palës tjetër. Mungesa e nënshkrimit bëhet verdikt për Serbinë, por nuk ndikon në ekzistimin e marrëveshjes”, ka shpjekuar Kurti. /tesheshi.com/
