Kryeministri i Kosovës, Albin Kurti, ka njoftuar të mërkurën se targat me dygërmëshin KS nuk do të jenë më në përdorim.
Ai këtë e ka deklaruar në fjalimin e tij të parë para publikut që nga kthimi i tij nga Brukseli, në kuadër të dialogut për normalizimin e marrëdhënieve ndërmjet Kosovës dhe Serbisë.
Kurti pretendon se pala serbe nuk ka paraqitur propozime konstruktive në Bruksel për zgjidhjen e krizës dhe se katër propozime konkrete janë bërë nga Miroslav Lajçak, përfaqësuesi special i Bashkimit Evropian për dialogun ndërmjet Kosovës dhe Serbisë.
Kurti thotë se është folur për menaxhimin e krizës në veri të Kosovës, ku shumica e popullsisë janë serbë.
Ai rikujton se qeveria e Kosovës vendimin për riregjistrimin e veturave me targa RKS dhe dhënien e dokumenteve hyrëse-dalëse për shtetasit serbë e shtyu për 1 shtator dhe se vendimi nuk do të shtyhet më.
“Shtetësia dhe sovraniteti i Kosovës”
“Targat e regjistrimit me shenjën KS nuk mund dhe nuk ka nevojë të kthehen në qarkullim. Qeveria është produkt i shtetësisë dhe sovranitetit të Kosovës dhe nuk mund të pranojë statusin neutral të këtij vendi. Sepse një nga opsionet ishte që ne të prodhonim targa neutrale, pa shenjën e vendit. Jam thellësisht i bindur se pala serbe po ndez pa nevojë retorikën dhe veprimet në fushën e sigurisë”, tha Kurti.
Për të arritur një zgjidhje, të dërguarit evropianë dhe amerikanë, Miroslav Lajçak dhe Gabriel Escobar, po qëndrojnë në Prishtinë.
Javën e kaluar, me ndërmjetësimin e BE-së, në Bruksel është mbajtur takimi mes Kurtit dhe Vuçiqit, por nuk është arritur marrëveshje për këto çështje.
Qeveria planifikoi që nga 1 gushti të zbatojë vendimin për riregjistrimin e automjeteve në veri të Kosovës nga targat e Serbisë në Kosovë, si dhe për lëshimin e dokumenteve për shtetasit serbë kur hyjnë në Kosovë, por serbët në veri atëherë, si shenjë pakënaqësie, vendosën barrikada në rrugë.
Shumica e serbëve nga veriu i Kosovës përdorin targa të lëshuara nga Serbia, me emërtimet e qyteteve që ndodhen në territorin e Kosovës. /tesheshi.com/
