Kryeministri Kurti përcolli një mesazh të fundit ku në pjesën e parë të tij u përcjell serbëve të thjeshtë qasjen e shtetit të Kosovës ndaj tyre.
“Kosova është shtet demokratik dhe vend properëndimor: kush integrohet, jeton më mirë. Serbët në Kosovë nuk kanë nevojë për çlirim nga Republika e Kosovës por nga veglat terroriste të Serbisë”.
Në pjesën e dytë të mesazhit, Kurti merret me Vuçiçin.
“Vuçiç është i obsesionuar me kryekomandantin e UÇK-së, Adem Jasharin. Ai dëshironte që me 24 shtator ta shndërronte Manastirin Ortodoks të Banjskës në ‘Kullë të Jasharajve’ për serbët e Kosovës!
Në takimin e 2 majit në Bruksel na tha që Millan Radojçiç do të bëhet Adem Jashari i serbëve. Por, duke qenë diktator, ai s’e kupton historinë: epopeja dhe çlirimi nuk fabrikohen dhe as s’kopjohen”, përfundon Kurti. /tesheshi.com/
