Albin Kurti i ka mëshuar një fakti të pathënë zyrtarisht mbi luftën: atë që 37 hoxhallarë kanë rënë dëshmorë për lirinë e Kosovës.
Kryeministri, edhe pse ideologjikisht i majtë, e solli këtë të dhënë ditën e Fiter Bajramit, si një kundravënie ndaj një stuhie islamofobe ditët e fundit në Kosovë, ngritur nga ajo që një hoxhë i njohur i Prizrenit, Mazllam Mazllami, morri dhuratë një Mercedez me rastin e daljes në pension, dhënë nga dashamirësit e tij.
“E dimë që nga lufta e fundit çlirimtare 37 hoxhallarë imam i kemi dëshmorë të kombit sot dhe në këtë stinën e pranverës kur për çdo ditë përkujtojmë masakra dhe beteja na duhet të ecim midis varreve ku ka emra të martirëve e dëshmorëve, në mesin e të cilëve aq shumë janë edhe imam, e aq shumë janë edhe besimtarë. Kjo tregon për rolin e madh që ka pasur Bashkësia Islame për çështjen tonë kombëtare dhe ne jemi përherë falënderues e mirënjohës”, tha Kurti me në krah Myftiun Tërnava, në urimin e tij për Fiter Bajram, ku theksoi se me të ka njohje të hershme.
“Me Myftiun Naim Tërnava njihemi qysh nga vitet e ’90-ta, atëherë kur unë si student për të shkuar në fakultet, që asokohe në Universitetin e Prishtinës i mbante ligjëratat në shkolla fillore, duhej që të kaloj pranë Medresesë Alaudin në rrugën që çonte tek shkolla ‘1 Maji’. Dhe te ajo Medrese janë organizuar shumë mbledhje e takime, të cilët edhe i kanë strehuar veprimtarët politikë, por edhe kanë mundësuar tubime ku janë mbajtur diskutime e vendime të rëndësishme për zhvillimet politike të asaj kohe”, rrëfeu i pari i qeverisjes së Kosovës.
Kujtojmë se një skotë antifetare në Kosovës, kryesisht mediatike, tenton heraherës të shënjestrojë figurat fetare si kinse jo atdhetare, duke pretenduar idiotikisht dhe djallëzisht se kanë Arabinë apo Turqinë para Kosovës. /tesheshi.com/
