Në një deklaratë të fundit nga Vetëvendosje, thuhet se kryetari Kurti, njëherësh ende kryeministër në detyrë, është që 14 qershori të jetë një datë për zgjedhje të reja në Kosovë.
“Duke folur mbi zhvillimet e fundit, sa i përket përpjekjeve antikushtetuese, jolegjitime dhe ilegale të Klubit të Stërvjetëruar Politik, kryeministri Kurti potencoi:
‘Pas LVV, tash edhe PDK u shpreh për zgjedhje të reja në Kosovë. Dihet se qeverinë e re të synuar nga Presidenti nuk e përkrah as Kryeparlamentarja si dhe disa deputetë të tjerë. Ky është një argument shtesë që veçse në zgjedhje duhet të shkojmë. Ndërkohë, masat ndaj pandemisë COVID-19 po zbuten ca. Neve si LVV do të na konvenonte e diela e 14 qershorit 2020 për zgjedhje, sepse tubimin e madh përmbyllës do ta mbanim të premten me 12 qershor, pra duke e festuar njëkohësisht 15 vjetorin e themelimit të VETËVENDOSJE!-s'”, thuhet në deklaratën e VV-së.
Ndodh kjo ndërsa Gjykata Kushtetuese pezulloi dekretimin e Abdullah Hotit të LDK-së për kryeministër të ri nga ana e presidentit Thaçi.
Njëherësh, Kurti i qëndron tezës se ngërçi politik zgjidhet vetëm me zgjedhje të reja. /tesheshi.com/
