Gjendja e gatishmërisë së ngritur luftarake në Forcat e Armatosura të Serbisë është shfuqizuar me vendim të presidentit dhe komandantit të përgjithshëm Aleksandar Vuçicc, ka konfirmuar Presidenca për Tanjug.
Gatishmëria luftarake është shpallur më 26 dhjetor për shkak të situatës në veri të Kosovës.
Pastaj Vuçiç si Komandant Suprem i Forcave të Armatosura të Serbisë urdhëroi që ushtria dhe të gjitha njësitë e MPB-së të jenë në nivelin më të lartë të gatishmërisë luftarake.
Tahiri: Kurti pranoi ZSO
Ish-kryenegociatorja e palës kosovare në dialogun me Serbinë, Edita Tahiri, ka thënë se sa herë që ka tensione mes Prishtinës dhe Beogradit, kryeministri i Kosovës Albin Kurti dorëzohet dhe bën kompromise me Serbinë, shkruan B92.
Ajo në Facebook ka thënë se Kurti e ka pranuar Bashkimin e Komunave Serbe dhe ka shtuar se këtë me deklaratat e tij e ka konfirmuar edhe ambasadori amerikan në Beograd, Christopher R. Hill.
“Pas çdo tensioni Kurti bënte kompromise me Serbinë, pas këtij tensioni të madh në veri Kurti pranoi ZSO-në. Këtë e ka konfirmuar ambasadori amerikan Hill”, tha Tahiri. /tesheshi.com/
