Në një dalje të posaçme për mediat, kryeministri Kurti ka sqaruar dhe njëherë atë çfarë ndodhi në tryezën e radhës së Dialogut, me Vuçiçin përballë në Bruksel, me dyshen Borrel e Lajçak në mes. Kurti u treguar sërish i ashpër me dyshen europiane, që për cinizëm vendet e të cilëve nuk e njohin Kosovën, por sidomos me diplomati sllovak, pra Lajçak.
“Pati një pozicionim të qartë të ndërmjetësit kundër Kosovës në përgjithësi, kundër Marrëveshjes drejt normalizimit të raporteve në veçanti”, tha Kurti, duke iu referuar njeriur që mban statusin e të dërguarit të posaçëm të BE-së për dialogun.
Sipas të parit të qeverisjes kosovare, dukej që kishte një koordinim mes Vuçiçit dhe Lajçakut për, siç tha ai, krijimin e një “skenari alternativ, ku gjysma e marrëveshjes zbatohet”.
Ky do ishte themelimi i Asocacionit, gjë për të cilën këmbëngul Serbia, sigurisht pa njohje si kompensim.
“Ofrova propozim konkret për zbatim të plotë të marrëveshjes bazike mbi parimin e gjithëpërfshirës, ku zbatohet secili nen i kësaj marrëveshje. Por mua në takim mu kërkua që të kalojmë në një proces negocimi për hartimin e statutit të Asociacionit, por unë iu bëra të qartë përfaqësuesve evropian se duhet zbatim i plotë i tërë marrëveshjes dhe jo fokus në një pikë”, tha Kurti.
Për këtë të fundit, “Lajçak për këtë do duhe ttë japë llogari në Këshillin e Evropës”.
“Borrell dhe Lajçak anuan nga pala serbe”, tha Kurti. /tesheshi.com/
