Kurti ftesë LDK-AKR-Alternativas dhe “të pakënaqurve” me klanin “Pronto” për themelimin e qeverisë

Kandidati i Vetëvendosjes për kryeministër, Albin Kurti, partia e cila më 11 qershor doli e dyta në zgjedhje, pas “koalicionit të luftës”, ka ftuar LDK-në dhe AKR-në që t’i bashkohen partisë së tij për krijimin e qeverisë së përbashkët me të si shef të ekzekutivit.

 
Kurti në një konferencë për media, tha se ftesa e tij vlen edhe për ata deputetë të koalicionit PDK-AAK-Nisma që nuk duan, siç tha ai, të ketë edhe një tjetër qeveri të klanit “Pronto”.
“Qytetarët kanë votuar për ndryshim. Prandaj e kemi obligim që ta çojmë përpara vullnetin e tyre”, tha ai Kurti në një konferencë për media.

 
Kujtojmë se edhe në zgjedhjet e 2014-s në Kosovë ka pasur përpjekje që humbësit e zgjedhjeve të krijojnë qeverinë e re, por diçka e tillë krijoi bllokadë politike për më shumë se gjashtë muaj në vend, e cila mori fund kur LDK në dhjetor të 2014-s ju bashkuan PDK-së, për krijimin e qeverisë./tesheshi.com/