Pas takimit informal në Tiranë mbi Planin e Ri të mbështetjes financiare dhe ekonomike të BE-së për Ballkanin Perëndimor, kryeministri Edi Rama mbajti një konferencë për mediat, duke thënë se “ne jemi përpjekur që të krijojmë një tjetër qasje, që paralelisht me negociatat të kemi dhe një mbështetje ekstra financiare”.
“Kjo ka nisur të formësohet dhe një plan i ri mbështetjeje financiare dhe ekonomike po përgatitet, se si nga njëra anë vendet e Ballkanit Perëndimor mund të mbështeten financiarisht dhe të hapen disa shtigje të integrimin në tregun e BE pa pritur që të anëtarësohen në BE”, arsyetoi Rama.
Megjithatë, vëmendja mediatike që gjetiu, te mungesa e homologut Kosovar Albin Kurti.
“Të gjithë ishin të ftuar dhe kush deshi erdhi, kush nuk deshi nuk erdhi”, tha Rama shkurt, duke mos dashur të komentojë më tej aktin e rradhës zemërak nga ana e Kurtit
Kujtojmë se Rama priti Komisionerin Olivér Várhelyi; kryeministrin e Malit të Zi, Dritan Abazoviç; kryeministrin e Maqedonisë së Veriut, Dimitar Kovaçevski dhe kryeministren serbe Ana Brnabiç. /tesheshi.com/
