LDK e VV kanë dhënë sinjalet e para të gadishmërisë për t’u takuar e biseduar për krijimin e një qeverie të përbashkët, sigurisht me Albin Kurtin kryeministër. Kanë qenë pikërisht liderët përkatës, Mustafa e Kurti ata të cilët kanë sinjalizuar takimin e afërt, me gjasë në mesjavë.
“Këto ditë, së bashku me kandidaten tonë për kryeministre, znj. Vjosa Osmani, do të takohemi me Kryetarin e Lëvizjes Vetëvendosje, z. Kurti për të vlerësuar procesin zgjedhor dhe mundësitë e bashkëqeverisjes. Do të vazhdojmë aty ku e kemi lënë para fillimit të procesit zgjedhor, duke respektuar vullnetin e qytetarëve të shprehur me votë të lirë në një proces demokratik zgjedhor por edhe interesin e LDK-së”, shkroi Mustafa.
E nga ana tjetër, Albin Kurti tha se nëse nuk arrihet një pakt me LDK-në për qeveri të përbashkët, ahere do shkohet sërish në zgjedhje
“Unë do të filloj bisedimet me LDK-në, të bazohemi në rezultatin zgjedhor e të merremi vesh përfundimisht. Sepse po të mos merremi vesh, do të shkojmë në zgjedhje prapë”, tha aspiranti për kryeministër. /tesheshi.com/
