Albin Kurti, kandidat i Vetëvendosjes për deputet edhe në ditën e parafundit të fushatës zgjedhore ka hedhur akuza në drejtim të PDK-së, dhe këtë e ka bërë nga Drenasi, bastioni i kësaj të fundit.
“Drenasi i ka dhënë shumë Kosovës, veçse ka përfituar vetëm papunësi e varfëri, dhe nëpërkëmbje. Me qeverisjen e VV do të përfitojnë të gjithë dhe do të humbin disa”, ka deklaruar Kurti, i cili u zotua se me qeverisjen e VV-së, pasuria e paligjshme e pushtetarëve do të konfiskohet dhe do ti kthehet qytetarëve përmes ligjit antimafia.
Ai tregoi edhe çfarë kërkese kanë njerëzit e PDK-së që po i bashkohen VV-së.
“Njerëzit që na kanë ardhur javët e fundit prej PDK-së na kanë thënë që po vijmë me kushtin që nuk do të bëheni me PDK-në pas zgjedhjeve. Njerëzit që na kanë ardhur javët e fundit nga LDK-ja na kanë thënë që po vijmë me kushtin që nuk do të bëheni me LDK-në pas zgjedhjeve. Me 13 qershor merret vesh se çka mbetur nga këto koalicione të lodhura e që ne do t’i lodhim deri në fund të zgjedhjeve”, ka deklaruar Kurti./tesheshi.com/
